"பட்டங்கள் ஆள்வதும் சட்டங்கள் செய்வதும் - பாரினில் பெண்கள் நடத்தவந்தோம்;
எட்டு மறிவினில் ஆணுக் கிங்கேபெண் - இளைப்பில்லை காணென்று கும்மியடி!                
காத லொருவனைக் கைப்பிடித்தே, அவன் - காரியம் யாவினும் கைகொடுத்து,
மாத ரறங்கள் பழமையைக் காட்டிலும் - மாட்சி பெறச்செய்து வாழ்வமடி!"   -பாரதி-
1. வையமீதிலே Play Download this Song
2. ஒருகாலம் Play Download this Song
3. நாளைவிடியல் Play Download this Song
4. மண்ணிலே.. Play Download this Song
5. அம்மா.. Play Download this Song
6. வானொலி நிகழ்ச்சி Play Download this Song
7. இஸ்லாத்தில் பெண்கள் Play Download this Song

Editor's Choice

கவிதை

நான் பெண்!

நான் பெண்!

நான் பெண்என் சின்னஞ்சிறு உலகம்எப்போதும் இருட்டுக்குள்!

கட்டுரைகள்

பால்நிலை வேறுபாடுகள்

மனித இனம் என்பதற்கு அப்பால் ஆண்-பெண் என்ற பாகுபாடு அம்மனித இனம் தோன்றிய காலத்திலிருந்தே பார்க்கப்பட்டு வருகிறது. காலத்திற்குக் காலம் நோக்குகைகள் வித்தியாசப்பட்டாலும் ஆணுக்கும் பெண்ணுக்குமான வேறுபாடு பேணப்பட்டு வருகின்றது. இவர்களுக்கென்று ஒதுக்கப்பட்ட பண்புகள், குணாதிசயங்கள் இருபாலாராலும் ஏற்றுக்கொள்ளப்பட்டவையாகவே நடைமுறைச்...

ஆலோசனை

ரிஸானாவின் மரணத்துக்கு யார் பொறுப்பு?

ரிஸானாவின் மரணத்துக்கு யார் பொ…

      ரிஸானா நஃபீக். 2005 ஆம் ஆண்டு முதல் இந்தப் பெயர் ஊடகங்களில் அடிக்கடி தலைப்புச் செய்திகளில் இடம்பெற்று வருகிறது. அந்தப் பரபரப்பான பெயருக்குரிய இலங்கையைச் சேர்ந்த இளம் யுவதிக்கு (09/01/2013) புதன்கிழமை காலை இலங்கை நேரம் 11.40 மணிக்கு சவூதி அரேபியாவில் மரண தண்டனை...

ஃபலஸ்தீன்

நிலமெல்லாம் ரத்தம் - 30 - பா.ரா

நிலமெல்லாம் ரத்தம் - 30 - பா.ர…

மூன்றாவது சிலுவைப்போரில் வெற்றி பெற்றபிறகு சுல்தான் சலாவுதீன் நெடுநாள் உயிர்வாழவில்லை.

பேட்டிகள்

ஒரு பெண்ணின் வெற்றியும் சிறப்பும் அவளின் அறிவிலும் ஆற்றலிலும் ஆளுமையிலுமே தங்கியுள்ளன – லறீனா அப்துல் ஹக்!

ஒரு பெண்ணின் வெற்றியும் சிறப்ப…

 1. உங்களைப் பற்றிய அறிமுகத்தைக் குடும்ப, கல்விப் பின்னணி உள்ளிட்டு எமது வாசகர்களுடன் பகிர்ந்து கொள்ளுங்களேன்.

நூலாய்வு

கவிதை எழுதும் கதைகள்: புதியமாதவி

கவிதை எழுதும் கதைகள்: புதியமாத…

      சமூகத்தில் பெண்கள் எழுத வந்தபோது பெரிய அதிர்வுகள் ஏற்பட்டன. இதுவரை சமூகம் கடைப்பிடித்த அறம், அறம் சார்ந்த விழுமியங்கள் சரியத் தொடங்கின. அறம் என்பது ஆணுக்கும் பெண்ணுக்கும் பொதுவானது என்ற அடிப்படை உண்மை ஆணித்தரமாக முன்வைக்கப்பட்டது. பொது அறம் என்ற வெளி...

நமது ஆளுமை

  • 1
  • 2
Prev Next
'மனதைத் தொடுவதற்கு புதுக்கவிதைக்கே முடியும்; மனம் விட்டுச் சொல்கிறேன்' - எச். எஃப். றிஸ்னா

'மனதைத் தொடுவதற்கு புதுக்கவிதை…

"உண்மையான கருத்துகளைப் புதுக் கவிதை மூலமே சொல்ல முடியும். மரபுக் கவிதை என்ற பழைமைக்குள்ளிருந்து கொண்டு புதுமையைப் பார்க்க முடியாது." இப்படி துணிவுடன் கூறுகிறார் ஹப்புத்தளை எச். எப். றிஸ்னா. "புதுக்கவிதை என்றால் வசனத்தைப் பிரித்துப் போடுவது; அதில் அர்த்தம் பொதிந்திருக்காது; நினைத்தவரெல்லாம்...

2011.03.08 சர்வதேச மகளிர் தினத்தின் தொனிப்பொருள் (சிறப்புக் கட்டுரை)

2011.03.08 சர்வதேச மகளிர் தினத…

ஒவ்வொரு வருடமும் மார்ச் 8 ஆம் திகதி உலகளாவிய ரீதியில் சர்வதேச மகளிர் தினம் கொண்டாடப்பட்டு வருகிறது. இது வெறுமனே ஒரேயொரு தினக் கொண்டாட்டமாக அமையாமல், மார்ச் மாதம் முழுக்க அரசியல், பொருளாதாரம், சமூகம், கலை, கலாசாரம் முதலான இன்னோரன்ன துறைகளில்...

"சரித்திரத்தின் விளிம்பிலாவது வளர ஆசைப்படுகிறேன்': வெலிகம ரிம்ஸா முஹம்மத்

"சரித்திரத்தின் விளிம்பில…

மாத்தறை, வெலிகமவைச் சேர்ந்த கவிதாயினி வெலிகம ரிம்ஸா, முஹம்மத் – லரீபா தம்பதியினரின் சிரேஷ்ட புதல்வியாவார். இவர் வெலிகம கவிக்குயில், வெலிகம நிலாக் குயில் என்ற புனைப் பெயர்களிலும் எழுதி வருகிறார்.

மலையகத்தின் இலக்கியத் தாரகை நயீமா சித்தீக்

மலையகத்தின் இலக்கியத் தாரகை நய…

ஈழத்து தமிழ் இலக்கிய வளர்ச்சிக்கு மலையக இலக்கியம் புது இரத்தம் பாய்ச்சியது என்ற பேராசிரியர் கைலாசபதியின் கூற்றிற்கிணங்க, மலையக இலக்கிய வளர்ச்சிக்கு உந்துசக்தியான வகிபாகத்தை வகித்த, மலையகப் பெண் படைப்பிலக்கியவாதிகளை நாம் கவனத்தில் கொள்வது புறந்தள்ள முடியாத அதிமுக்கிய விடயமாகும். அந்த வகையில்...

  • Latest News
  • Popular

நிலமெல்லாம் ரத்தம் - 30 - பா.ரா

மூன்றாவது சிலுவைப்போரில் வெற்றி பெற்றபிறகு சுல்தான் சலாவுதீன் நெடுநாள் உயிர்வாழவில்லை.

மேலும் படிக்க...

குற்றமும் காரணமும்

சிறைச்சாலைகள் நிரம்பி வழிந்தன

 

"சிதைந்த சமூக ஒழுங்"கென 
சாடினான் ஒரு சமூகவியலாளன்
"ஆன்மீகத்தின் வெற்றிடம்"
ஆதங்கப்பட்டான் ஆத்திகன்
"பொருளாதார ஏற்றத்தாழ்வு"
பொருமினான் ஒரு சமவுடைமைவாதி
"அரசியல் காய்நகர்த்தல்கள்"
அலுத்துக்கொண்டான் அரசறிவியலாளன்

 

இப்படியிப்படி
அவரவர் காரணங்களை
எல்லோரும் அடுக்கினார்கள்

 

குற்றவாளிகள் நிரம்பி வழிந்தார்கள்

 

எல்லாக் குற்றவாளிகளுக்கும்
தமக்கான நியாயங்கள்
இல்லாமல் போகவில்லை
"நானே குற்றவாளி"யென
எவருமே சொல்லவில்லை.

 

குற்றங்கள் பல்கிப் பெருகின

 

தர்க்கங்கள், காரணங்கள், 
நியாயப்படுத்தல்கள் எல்லாமும் தாண்டி
கொல்லப்பட்ட குழந்தையின் சடலம்
சிதைக்கப்பட்ட பெண்களின் உடலம்
எரிக்கப்பட்ட மக்களின் உடைமை
ஒடுக்கப்பட்ட மக்களின் குரல்வளை
பரிதாபகரமாய் வானம் பார்த்தன!

 

~ லறீனா ஏ. ஹக் ~

"எங்கள் சமூகம் உணர்ச்சிபூர்வமானதே அன்றி அறிவுபூர்வமானதல்ல" – கபில எம். கமகே (I)

ஆளும் தரப்பினர் இரு முகாம்களில் இருந்தவாறு தமது அணிக்காக எங்கள் சுதந்திரம் பற்றிய அர்த்தப்பாடுகளை முன்வைக்கும் ஒரு தளம்பலான காலகட்டத்தில் நாம், 'சுதந்திரம்', இந்த ஸ்திரமற்ற தருணம் குறித்து மக்களிடம் கருத்துக் கேட்கின்றோம். இத்தருணத்தின் சமூகத்தைப் பலப்படுத்துவதென்பது மக்கள் முகாமைப் பலப்படுத்துவதே  என நாம் உறுதியாக நம்புகின்றோம். ஓர் இலக்கியவாதி, ஊடகவியலாளர் என்ற பாத்திரங்களுக்கு அப்பால் சமூக உணர்வுள்ள ஒரு பிரஜையாகத் திகழும் கவிஞர் கபில எம். கமகே அவர்கள் தற்போதைய சமூகநிலை தொடர்பாக அளித்த பேட்டி, இது:

தமிழில்: லறீனா அப்துல் ஹக்
சிங்கள மூலம்: லங்கா நிவ்ஸ் இணையதளம் (கிரிஷான்)

கேள்வி: அரசாங்கங்கள் மாறுகின்றன. அரசாங்கம் பற்றிய கருத்துக்கள் மாறுகின்றன. ஆனால், சமூகம் என்றவகையில் நாம் உண்மையில் மாறி விட்டோமா? அல்லது நாம் நம்மையே ஏமாற்றிக் கொண்டுள்ளோமா? இந்தச் சந்தர்ப்பத்திலே ஒரு கவிஞரென்ற வகையில், விழிப்புணர்வுள்ள ஒரு பிரஜை என்ற வகையில் இச்சமூகத்தை எவ்வாறு பார்க்கிறீர்கள்?

பதில்:இலங்கை அரசியல் வரலாற்றில் நாம் எதிர்கொண்ட அவலம் இதுதான். சுதந்திரம் அடையும் போராட்டம் முதற்கொண்டு (இதனைப் போராட்டம் என்று சொல்ல நான் அவ்வளவாய் விரும்புவதில்லை.) இந்நாட்டு மக்கள் என்ற வகையில் நம்மை நாமே ஏமாற்றிக் கொண்டோம். சுதந்திரப் போராட்ட முன்னோடிகளாய்த் தம்மை முன்னிறுத்தியோர், 'நாம் சுதந்திரத்தைக் கோருமுன் உடலாலும் உள்ளத்தாலும் ஆங்கிலேயரைப் போல் மாற வேண்டும்' என்று கூறினார்கள். இந்தக் கூற்றில் இருந்த பாரதூரமான அரசியல், பொருளாதார, சமூகவியல் கருத்து நமக்குப் புரியவில்லை. நாம் ஏமாந்துவிட்டோம். அன்றிலிருந்து இன்றுவரையும் நாம் நம்மையே ஏமாற்றிக் கொண்டிருக்கின்றோம். சுதந்திரத்துக்குப் பின்னுள்ள யுகமாக நான் இதனை வேறுபடுத்திப் பேசினாலும், அதற்கு அப்பால் வரலாற்றிலும்கூட பொதுமக்கள் ஏமாற்றப்படுதல் என்பது ஒரு பொதுவான பண்பாக உள்ளது.   

எந்த ஒரு சமூகச் சூழலிலும் கலையோடு தொடர்புடையவர் மற்றவர்களைவிட உணர்வுபூர்வமானவராகவே கருதப்படுகிறார். அதிலும், கவிஞர் என்பவர் மிகவும் உணர்வுபூர்வமானவர். ஒரு கவிஞருக்கோ பிற நிகழ்கலைகளோடு தொடர்புடைய ஒருவருக்கோ சமூகச் செயற்பாடுகளில் இருந்து விலகி, அவரது கலைப்பணியை முன்னெடுத்துச் செல்ல முடியாது. அவ்வாறு நிகழுமாயின், அந்தக் கலையின் அல்லது அந்தக் கலைஞரின் தொடர் இருப்பு அல்லது நிலைபேறாக்கம் சாத்தியமற்றதாகி விடும். இன்னொரு வகையில் சொல்வதானால், கலையின் பணி சமூகத்துக்கு விழிப்புணர்வு ஊட்டுவதே ஆகும். கலைஞர் என்பவர் சாதாரண மக்கள் மத்தியில் ஓர் ஒளியினைத் தோற்றுவிப்பவர். மாறாக, யாவரேனும் ஆளும் தரப்பின் இருப்புக்காகத் தமது கலையைப் பயன்படுத்துபவர்களாகவோ அவ்வாறு பயன்படுத்திக்கொள்ள இடமளிப்பவர்களாகவோ இருப்பார்களாயின், அவர்கள் கலைஞர்களே அல்லர்.

நமது நாட்டை எடுத்துக் கொண்டால் இந்தச் சந்தர்ப்பம் மிக முக்கியமான ஒன்றாகும். நாம் சுதந்திரத்தைத் தேடுகின்றோம். சுதந்திரம் என்பதற்குப் புதிய வரைவிலக்கணமொன்றை வழங்க முனைகின்றோம்.  அது ஒரு புதிய அரசியல் போக்கு, நவீன சமூக மாதிரி, நவீன பொருளாதாரப் போக்கு தொடர்பான சுதந்திரமாகும். குறிப்பாக சமூகம் அழுத்தத்தில் இருந்து தன்னை விடுவித்துக்கொள்ள எடுக்கும் முனைப்பு, அது. எனினும், இங்கு மீண்டும் ஏற்படுவது ஏமாற்றமே. சமூகத்தின் தேவையைப் பிரதிநிதித்துவப்படுத்தப் பொருத்தமான ஒரு தலைமை இல்லை. அதனால் ஏமாற்றுக்காரர்கள் தலைவர்களாய் வேடந்தரித்து உலாவருகின்றனர். சமூகத்துக்குத் தமது எதிர்ப்புணர்வை ஆழமாகப் பிரதிபலிக்கப் போதிய தெளிவொன்றில்லை. நமது சமூகம் அரசியல் ரீதியாக விழிப்புணர்வு பெற்ற ஒரு சமூகமல்ல. தமது ஜனநாயக உரிமையைப் பயன்படுத்தும் வேளையில்கூட இச்சமூகம் உணர்வுபூர்வமாகச் செயற்படுகிறதே தவிர அறிவுபூர்வமாகச் செயற்படுவதில்லை. இன்னொரு வகையில் சொல்வதானால், தற்போது நமது நாட்டிலே சமூகத்துக்கு விழிப்புணர்வூட்டக்கூடிய அரசியல் இயக்கமொன்று இல்லை. அதுவே மிகப் பெரிய அவலம் தான்.         

கேள்வி:கடந்த காலங்களில் கலைத்துறையைச் சேர்ந்தோர் ஆட்சிக் கவிழ்ப்பு குறித்துக் கதையாடுவதற்குக் களத்தில் குதித்ததை நாமறிவோம். எனினும், கலைத்துறை சார்ந்து சமூகத்தில் அதிர்வினை ஏற்படுத்தக்கூடிய தீவிரக் கலைப்படைப்பு எதுவும் தோன்றவே இல்லை என்ற அளவிலேயே நிலைமை இருக்கிறது. இந்நிலையில், தமது சகோதர சமூகத்தைக் கொன்றொழித்து, வெற்றிப் பானம் அருந்திய ஒரு நாட்டிலே இதற்குப் பிறகும் அத்தகைய  கலைப் படைப்புகளை வெளிக்கொணர்வதற்கான சூழல் நிலவுகிறதா?  நாம் தற்போது முகங்கொடுத்துக் கொண்டிருப்பது அத்தகைய ஒரு நிலையினையா?

பதில்:இலங்கைக் கலைஞர்கள் அரசின் ஊதுகுழல்களாக மாறிவிட்டமை அண்மைக்காலமாக நாம்  இலகுவாகக் காணக்கூடிய ஓர் அம்சமாகும். 1994 ஆம் ஆண்டுகளில்தான்  கலைஞர்கள் ஒவ்வோர் அரசியல் கட்சிகளுக்குத் தமது ஆதரவைப் பகிரங்கமாகத் தெரிவிக்கும் நிலை தோன்றியது.  அது இன்றுவரை தொடர்ந்து கொண்டிருக்கின்றது. இவ்வாறு ஆதரவு தெரிவிப்பது என்பது ஒருவகைக் கொடுக்கல் வாங்கலாகும். வெற்றி பெற்ற அரசியல் முகாமுக்கு ஆதரவு தெரிவித்தவர்கள் பல்வேறு பதவிகளைப் பெறுகின்றனர், வரப்பிரசாதங்களைப் பெறுகின்றனர். அவர்கள் தமது கலைப் படைப்புக்களின் ஊடே அரசியல்வாதிகளின் ஆளுமை பற்றிய பெரும் விம்பமொன்றை உருவாக்குகின்றனர். இதனைச் சமூகம் புரிந்து கொள்வதில்லை. கலைஞர்கள் சமூகத்தில் தமக்குள்ள செல்வாக்கைப் பயன்படுத்தியே அதனை வினியோகிக்கின்றனர். இது ஒருவகையில், 'அரசியல் வினியோகம்' ஆகும். இனி மக்களுக்கேற்ற கலைப்படைப்புகள் எவ்வாறு உருவாகப் போகின்றன? 

நீங்கள் கூறியது போல, நாட்டில் சகோதர சமூகத்துக்கு எதிராக நடந்த மனிதத் தன்மையற்ற அடக்குமுறையின் பொருட்டு  எத்தனை கலைஞர்கள் மெழுகுதிரிகளை ஏந்தினார்கள்? அவர்கள் அடக்குமுறை யாளனுக்கு ஆதரவாகவே மெழுகுதிரிகளை ஏந்திக் குரல் எழுப்பினார்கள். அடக்குமுறைக்கு உட்பட்ட மக்களுக்காகப் பேசியவர்கள் சொற்பத் தொகையினரே! இந்நிலை இன்றும் மாறிவிடவில்லை. யுத்த வெற்றியைச் சாதாரண பாமர மக்கள் வெற்றிக் களிப்போடு கொண்டாடியதைப் புரிந்து கொள்ள முடியும். ஆனால், கலைஞர்களுக்கு அதைச் செய்ய முடியுமா? மனிதப் படுகொலைகளின் பொருட்டு வெற்றிக் களிப்படைய, சினிமா தயாரிக்க, வருடந்தோறும் யுத்தவெற்றியைக் கொண்டாடக் கலைஞர்களால் முடியுமா? உங்களுக்குள்ள அதே கேள்விதான் எனக்குமுள்ளது. கலைஞன் என்பவன் மனிதநேய மிக்கவன் அல்லவா? அவனோ  அவளோ இனம், குலம், பிரதேசம் முதலான குறுகிய வரையறைகளைக் கடந்து செல்ல முடியுமான ஒருவராய் இருத்தல் வேண்டும். அவருக்கு மனிதம்தான் முதன்மையானதாக இருத்தல் வேண்டும். அதனால், அவருக்கு  முழு மனித இனத்துக்குமான படைப்புக்களை உருவாக்க முடியுமாய் இருத்தல் வேண்டும். அந்தப் படைப்புக்களோடு மக்களையும் அணிதிரட்டிக்கொண்டு தெருவில் இறங்கிப் போராட முடியுமாய் இருத்தல் வேண்டும். அவர் ஏதேனும் ஒரு மனிதக் குழுமத்துக்கு மட்டும் சார்பானவராகத் தம்மை முன்னிறுத்த முனையும் முதல் முயற்சியிலேயே அவரது கலையின் பெறுமதி நிர்மூலமாகிவிடுகிறது. அதனாலேயே சமூகத்தைப் புரட்டிப் போடும் கலைப் படைப்புக்கள்  இங்கு தோன்றாமல் இருக்கின்றது.  உண்மையான கலைஞர்கள் இல்லாத  ஒருநாட்டில் அத்தகைய படைப்புகள் தோன்ற வழியில்லை.  

கேள்வி: குறிப்பாக ஒரு கவிஞனுக்கு உலக யதார்த்தத்தை மறந்துவிட்டு தனது படைப்புலகப் பயணத்தில் நிலைக்க முடியாது என நான் நம்புகின்றேன். அதனாலேயே இந்தக் கேள்விக்கு ஒரு நேரடியான பதில் தேவை. புதிய நல்லாட்சியினர் தமிழர்களுக்குத் தேசிய கீதத்தைத் தமிழில் பாட அனுமதி அளிப்பதாகச் சொல்வதை நாம் கண்ணுற்றோம். 'அனுமதி அளித்தல்' என்பதைப் பார்த்ததுமே நமக்குப் புரிகிறது, பெரும்பான்மையின் அனுமதி இன்றித் தமிழர்களுக்கு எதுவும் செய்ய முடியாது என்று. நீங்கள் இதனை எப்படி நோக்குகிறீர்கள்? அப்படி பெரும்பான்மை இனத்தவரிடம் அவர்கள் அனுமதி பெற வேண்டுமா?    

பதில்: மொழி என்பது ஓர் இனத்தின் அடையாளத்தை வெளிக் காட்டும் முக்கியமான அடிப்படையாகும். தத்தமது மொழியில் தகவல் பரிமாற்றம் செய்யும் உரிமை  எல்லோருக்கும் இருத்தல் வேண்டும் என்பது என்னுடைய உறுதியான நிலைப்பாடாகும்.அதற்கு யாருடைய அனுமதியும் தேவை யில்லை. மற்றது, அது ஓர் அடிப்படை உரிமையாகும். தேசிய கீதம் தொடர்பிலும் என்னுடைய நிலைப்பாடு இதுவே. தேசிய கீதத்தின் ஊடாக ஒருவருக்குத் தனது நாட்டின் மீதான பற்றுணர்வு ஊட்டப்படுகிறது எனில், அது  உள்ளார்ந்து உணரத்தக்கதாக அமைதல் வேண்டும். அவ்வாறாயின் அது தனக்குப் புரியும் மொழியில் அமைந்திருக்க வேண்டும். புரியாத ஒரு மொழியில் சொல்லப்படும், எழுதப்படும் ஒன்றினால் உணர்ச்சியூட்ட முடியாது. அதில் அந்நியமான ஓர் உணர்வே தோன்றும். நாட்டின்  அதி உயர் நீதி அரசியல் யாப்புதான் எனில், அதில் அனைவருக்கும் சமத்துவம் இருத்தல் அவசியமாகும். தேசிய கீதத்தைச் சிங்களத்தில் மட்டும்தான் பாடவேண்டும் என்று அரசியல் யாப்பு கூறுமாயின், அதன் மூலமே தமிழ் மக்கள் பிரித்து வேறுபடுத்தப்படுகிறார்கள். ஏனென்றால், அரசியல் யாப்பிலே தமது மொழிக்கு இடமில்லை என்ற உணர்வு அவர்களுக்கு ஏற்படுகின்றது. அதனால், தாம் இந்த நாட்டுக்குச் சொந்தமான பிரசைகள் அல்லர் என்று அவர்கள் உணரக்கூடும்.   

(தொடரும்...)

நன்றி: http://vidivelli.lk/ விடிவெள்ளி (27/03/2015) ப.12